شنو هو السبب لمخليك مزال مكتحققش 100 مبيعة فاليوم؟ الاجابة داخل المقالة 🔥
مزال كنتذكر فسنة 2015 بالضبط خلال الربع الآول من السنة كانت المبيعات مكتنزلش على 300 يومياً مبيعة فآسوء الحالات، فقط بثلاث منتجات و بثلاث وحدات اعلانية على الفايسبوك آدس ب 120$ فاليوم. المبيعة كانت كطيح ب 0.40$ هادشي مزيان و كاين لغادي يقول دوك الآيام زوينة دبا تزيرات القضية و الخ .. غادي نقوليه دابا ف 2019 و مزال تقدر تجيب نفس النتائج. المهم، السؤال هو واش كملت بهاد المستوى؟ لا! مجات فين تسالي بيا 2015 حتا لقيت راسي كندابز مع 100 مبيعة و بلكشايف لول. شنو خلاني ندير هاد drop فنفس السنة؟ هو خطآ بسيط و لكن كلشي غافل عليه مرضيتش ليه البال حتى وقعات الواقعة عاد عرفتو كنت مشغول فقط مع المشاكل البديهية و لكنسميها آنا هاديك هي الخدمة Cash Flow Management, Costumized Delevery, CRO, Fb Ads Scaling..) و ناسي آهم حاجة هي Team Building ولا Team Scaling يعني هادوك ثلاثة بنات و جوج دراري لكانو خدامين معايا بغيت نخليهم هما هما و نزيد المبيعات و فديك 300 مبيعة يومياً كان عليهم واحد الضغط رهيب، مقدروش يتحملو ستة آشهر حتى Performance و Enthusiasm ديالهم طاح ب 50%. لهذا مجال الدفع عند الاستلام هو مجال كيعتامد على Integral Elements يعني حاجة كتكمل حاجة. يلا بغيتي ت Scale غادي يخصك تسكايلي فكلشي من الطرف حتى الطرف (Shippers, Callers, Ads’ Budgets, Stocks ..) و هذا هو الدرس لتعلمت من هاد الخطآ البسيط لكلفني خسارة تقدر بمئات الآف الدولارات.
هادشي هو لمخلي بزااف ديال Warriors لمعانا مزال واحلين ف 20 مبيعة ولا 10 هو تقريباً نفس الشيء لوقع لي فسنة 2015. هو عند بالهم Scaling فقط ف Facebook Ads و لكن هو فالحقيقة فآي سنتيم فالبزنيس ديالك حتى مساحة البيرو ديالك هي اللخرة غادي يخصك تسكايليها 😝
آول حاجة قبل الفايسبوك آدس آيخصك ت Scaler فيها هي السطوك. آنا كنتعجب فبعض الحالات شي اخوان عندو 500 وحدة من المنتج و كيقلب على مئة مبيعة فاليوم، واش غادي تخدم 5 آيام و تحبس سيمانة بين مجاك السطوك؟ نديرو معاك زوين 7 آيام بنسبة الروتور (لحقاش الروتور هي مسئلة عادية فمجال C.O.D و التعامل مع نسبة الروتور و تقليله لآقصى حد ممكن هو سر من آسرار النجاح فمجال التجارة الالكترونية في المغرب، غادي نتطرق لهاد القضية فمقالة قادمة). المهم يلا بغيتي توصل ل 100 مبيعة فوقت قياسي غادي تحتاج التالي قبل متبدا مرحلة Scaling :
- آولاً و قبل كل شيء: ايمان قوي بالتجارة الالكترونية هي المستقبل و عزيمة شديدة للنجاح فالمجال و معندكش شي قيود آخرى كتعجزك على العمل لمدة طويلة و بجهد فالآول فالمجال ك (وضيفة، مشاريع آخرى اونلاين كالفوريكس آو دروبشبين او آدسنس او او..، لم تقرر بعد هل ستبدآ فالتجارة الالكترونية المحلية آو لا)
- ثانياً: مجال الدفع عند الاستلام ليس هو Dropshipping, Fulfillment by x تكون 100 مبيعة فقط رقم اونلاين سهل الوصول اليه و لكن يقدر ختفي بين ليلة و ضحاها، عكس C.O.D فهو مجال يعتمد على الايكوميرس الحقيقي (Warehouding, Local/Fast Delivery, Team and Comapny) يعني مشروع حقيقي يعتمد على آسس قوية و مكتخاف لمن Ebay تتسيسبندي ليك الحساب ولا PayPal. هنا كشلي كيكون ديالك و مكتعتمد حتى على شي موقع باش تبيع.
- ثالثاً: منين كتقرا المجال مزيان و تفهم Marketing Wheel ديالو غادي دير Network ديال دراري ليفايتينك فالمستوى مثلاً نتا كدير 50 مبيعة فاليوم غادي تعمر مع لكيديرو 80 مبيعة و ماشي لكيديرو 20 مبيعة علاش؟ عمر معاهم شهر و غادي ترجع ترحم ليا الوالدين.
- رابعاً: خاصك تكون Ready and Set لل 100 مبيعة فاليوم قبل متجي ماشي حتا تجي! بالنسبة ليا 100 مبيعة فاليوم غادي يخصها التالي: ثلاث فتيات Well Trained و حافضين السكريبت و حبذ لو كانت تجربة سابقة فمجال Teleperformance بمعدل ديال 33 مبيعة للوحدة فاليوم و بالنسبة لل Warehousing & Fulffilment غادي يخصك جوج دراري حتا هما يكونو طبعاً كيتقنو شغلهم بحال ديال Teleperformance و هنا كنعاودو نرجعو لداكشي لقلنا فاللول لهو Integral Elements يعني حاجة كتكمل حاجة يلا كان جهة فيهم ناقصة بيزنيس ديالك غادي يكون فيه تعثر. و آخيراً سطورك كبير لغادي يكفيك لمدة شهر كامل من داك Evergreen Product لخدام ليك مزيان و شحال و نتا خدام عليه (نصيحة، متجيبش سطوك كبير ديال بروداكت معمرك خدمتي عليه من قبل)
غادي يخصك حوالي 3000 وحدة من المنتج، هادي فحالة يلا كنتي اتخدم على منتوج واحد يلا كنتي اتخدم على جوج ولا ثلاثة ادير نفس الحساب آي سطوك ديال 3000 كيتضن ثلاثة ديال ليزارتيكل
ووجد راسك لصداع الراس و الخدمة هه هادشي كامل من التجربة الشخصية فالمجال كما العادة، كنحاول ديما نفرش ليكم الطريق باش مطيحوش فنفس الآغلاط لوقعت فالماضي و كلفوني خسائر لحقاش مكانش ديك الساعة لغادي يعطيك ارشادات و نصائح، حتا مجال Cash on Delivery مكانش معروف، اليوم الحمد لله Ecom Warriors: Morocco كيكون فيه كلشي فطبق من ذهب.💞