Branding

زيادة مبيعاتك بآكثر من 400% في التجارة الالكترونية في المغرب باستعمال يوتوب

بالنسبة ليا يوتوب آول موقع كيدخلو ليه المغاربة بزاف واخا آليكسا كتقول هو ثاني موقع بعد قووقل. علاش آول موقع لحقاش يوتوب ماشي موقع للفيديوهات فقط بل اصبح بديل للتلفاز بالنسبة للمغاربة و بعض الدول آغلبية ولاو كيكونيكطيوه مع التلفازة يعني لبغا يتفرج فالتلفزة كيديرها يوتوب سوا ب الكونيكسيو ولا كيبارطاجي الشاشة من الهاتف آو البيسي. 42.72%من الساكنة المغربية تدخل لموقع يوتوب يومياً وفقاً لدراسة جائت بيها جامعة سطوكهولم السويدية لدارها مغربي كيقرا تما العام ليفات، آي تقريباً نص الشعب ساكن فيوتوب (ناس مريحة فالقهوة، ربات بيوت، موضفين، وزراء و برلمانيون و أمراء .. نقص شوية القرعة تنادي آحمادي هه) المهم فهمتوني، يوتوب سوق كبير و فرصة من ذهب باش نزيدو المبيعات بشكل رهيب جداً بالنسبة لنا حنا تجار الكترونيين، لحقاش غادي تجيب منو آلاف مبيعات بشكل مجاني و مستمر و بلا متحمق راسك مع الفايسبوك آدس و لا صطور غير خصك تعرف فقط كيفاش تجهز الفيديو و القناة باش تجيب مشاهدات من فيديوهات آخرى عندها علاقة مثلاً:

المنتوج لداير ليه Review هو زيت اللحية نتا غادي تجيب ليه من مشاهدات من فيديوهات آخرى مليونية آو عادية كتهضر على تكبير آو تكثيف اللحية آو حتى فيديوهات حول آشكال جديدة لزينة اللحية المهم آي فيديو عندو علاقة باللحية غادي تجيب منو شوية ديال المشاهدات طبعاً المشاهدات ايكونو من المغرب و هنا فين خصنا نحولو هاد المشاهدات لمبيعات وهنا فين خصك تركز الخدمة كاملة (excessive persuasion) الاقناع المبالغ لحقاش هاد الناس فاللول كيوكونو Watchers او Cold Audience و حنا خصنا نديرو ليهم ال Warm Up او التسخين آو تحريك فيهم فكرة الشراء، آي حاجة كتطلب دراسة و خطة مركزة باش توصل للهدف ديالك الآسمى لهو تحويل المشاهدين الى مبيعات. آنا شخصياً باش وصلت للهدف ديالي فيوتوب لهو 200 مبيعة فالشهر خلال السنين الآخيرة

حتاجيت فقط المعدات التالية: 


• فتاتش هه تشرح المنتوج بطريقة سلسة و مقنعة ماشي ضروري يبان وجهها (من طبيعة الحال يكون المنتوج موجه للشباب آو الرجال آو للعامة) يلا كان موجه للنساء كنتوجه مباشرة لليوتوبرز المغربيات لحقاش هما لكيكون عندهم متتبعين فقط اناث و مجاهزين للشراء Warmed Up Audience

• كاميرا احترافية من نوع Kanon آو Nikon آو FujiFilm هاد الشركات وخا كيكونو رخاص بموديلات قدام كيكونو كيطلعو الفيدي بجودة عالية و احترافية غالباً الكاميرات ديالهم ليصلاحو ليك ليوتوب كيكون الثمن ديالهم بيت 1000 درهم حتا ل 4000 درهم، يلا معندكش امكانيات قضي بكاميرا ديال التيليفون حتا يجب الله التيسير ولكن غادي يحكَـرك يوتوب شوية لحقاش ف Ranking يوتوب كيفضل فيديوهات ذات جودة عالية باش تكون مؤهل تبان ف Recommended Videos و هادشي لعندو علاقة ب SEO ديال اليوتوب كلو مشروح فالكورس الجديد ليقدر يكون فراس العام ليفيه كيفاش تجيب مبيعات من يوتوب و جووجل آدس و انستجرام و كيفاش تكبر حسابات انسجرام و قنوات يوتوب الخاصة بالصطورز ديالكم لمغاديش تكون صطورز عادية كيما ولفنا مع Shopify ولا WooCommerce من طبيعة الحال غادي تكون فقط ب homepage و lead page لهي product page مكاين لا Checkout Page لا Add to Basket المهم مستوى آخر عالي جداً و احترافي ديال التجارة الالكترونية فالمغرب لكتوصل نسبة التحويل فيه او Conversion ل 80% يعني لجبتي 100 زائر مستهذف غادي يشريو تقريباً 80 المهم كلشي من ابتاكرنا الخاص و تطويرنا الخاص (طاقم تطوير خاص بهاد المنصة يتكون من ثلاث مطورين احترافين و آكثر من 5 آشهر ديال العمل و حوالي 20K$ استثمار في هادا المشروع حتى الآن) عندي رؤية بعيدة المدى باش متبقاش شي حاجة سميتها Shopify ولا WooCommerce .. الخ فالمغرب. لحقاش هاد المنصات ممصماش للسوق المغربي بل مصصمة و غالب عليها الطابع ديال Dropshipping و نتوما عارفين Dropshipping و Cash on Delevery مكايتلاقاوش.

• مونطاج للفيديو مع وضع رقم الهاتف بشكل كبير اسفل الفيديو و يكون خلال الفيديو كامل لكيتراوح مابين 25 ثانية الى دقيقة يكون فيه شرح قصير للمنتوج بشكل مزروب باش نخليو الكليان المحتمل proscpect ميملش و ياخد فكرة سريعة عن المنتوج و يقرر بزربة واش يشريه ولا لا.

هادو آهم العوامل الآساسية لتحتاج باش تبدا تسوق المنتجات ديالك على اليوتوب، بناءً على تجربة شخصية يوتوب آفضل طريقة مجانية هي و طريقة Instagram Infleuncers لشرحت فدورة انستجرام على اليوتوب بالنسبة لمزال مشافش الدورة هذا الرابط: http://bit.ly/InstaEcom

هاد الطرق باش تجيب مبيعات من يوتوب للتجارة الالكترونية فالمغرب على المدى البعيد (سنوات قادمة) و مستمرة و الجميل فالآمر هو آن المبيعات كتجي يومية من خلال مكالمات هاتفية آو الواتساب و نسبة قليلة من السطور لكيكون فالوصف آو فالتعليق المعلق Pinned Comment و آجمل من هدا يلا مشيتي بفكرة ديال تجهيز فيديو يوتوب عوض تجهيز آد فالفايسبوك آدس غادي يكون البزنيس ديالك آكثر صحية More Healthier لآن فيوتوب غادي تبني جمهور مهتم لغادي يدوم عكس الاعلان فالفايسبوك غير تحبس الاعلان المدفوع يحبسيو المبيعات و كتولي بحال يلا عمرك كنتي كتبيع اونلاين.

هادشي كيفاش دير ليه بالتفاصيل المملة و باثبات نتائج البيع و عدد المبيعات يقدر يكون فدورة التجارة الالكترونية المحلية نسخة 2019 شي حاجة لآول مرة كتبرطاجا و آول واحد كيخدم بيها فالسوق المغربي كيما العادة. يمكنكم التسجيل عبر الرابط اسفله. 💵 💞