مكاينش غير الفايسبوك آدس، كاين محسن!
جوج مجالات من نهار عرفت الآنترنيت عمرهوم ماتو شحال من مجال بان و مشا و هما باقين شادين، باقية عندهم نفس الآهمية لكانت فالماضي و آنا متآكد معمرهم يموتو مدام الآنترنيت كاين، لي هما SEO و Email Marketing ويلا كنتي ناجح فواحد من هادو راك فتي مرحلة الخطر فالبزنيس ديالك آي بنيتي واحد الطريق صحية و وليتي كتلعب على المدى البعيد. يا سلام يلا كنتي ناجح فيهم بجوج. آمازون شركة كتخدم فنفس المجال لكنخدمو فيه (التجارة الالكترونية) بغض النظر على خدمة Livraison Ecommerce لمآخراً تجاوزات قيمتها السوقية التريليون دولار، آييه التريليييون واحد و موراه 12 رقم، ويجي واحد يسولك واش الايكوميرس فيه الفلوس!! آمازون ولا ايباي، تايني ديل، سنابديل، فليب كارت موصلوش لهاد المستوى بالفايسبوك آدس و لا جووجل آدس (آدووردز سابقاً) و لا آي منصة اعلانية آخرى.
و صلو من خلال محركات البحث آولاً ثم التسويق عبر الايمايل. شحال من منتوج ولا كتاب كنقلبو عليه و كطلع لينا آمازون و لا المواقع المذكورة آعلاه فمقدمة البحث، هادي هي القوة و السر وراء نجاح هاد المواقع العملاقة لولات كتعتابر رؤوس آموالهم تفوق بعض الدول. آيه هادشي مزيان نعرفوه ولكن نقدو نطبقوه، و باقي نقدر نلقا بلاصتي فجووجل؟ بما آننا كنستهدفو فالحالة ديالنا السوق المغربي. فتجهيز موقعك و تصدر موقعك لنتائج البحث في جووجل المغرب سهل جداً يكفي فقط آن تتعلم بعض ابجديات السيو آو تحسين موقعك لمحركات البحث لهو معروف ب Search Engine Optimization مغادي تحتاج لا قوت الباكلينكس Backlinks لا Guest Posting لا فهم تعقيدات Rank Brain لا تتبع آخر تحديثات جووجل.
فاللول متكونش محتاج تعرف كلشي على السيو فقط عرف هادشي لغادي نبارطاجي معاك فهاد المقال، و بهادشي لي كاين فهاد المقال هو باش طلعت موقع فالمغرب على بعض الكلمات المفتاحية لكتخص بعض المنتوجات لكيقلبو عليهم المغاربة فجووجل و وقت طويل دابا باش كنبيع فقط بالآورجانيك Organic Traffic آي فقط الترافيك المستهدف لكيجي من جووجل و حسن من الترافيك ديال فايسبوك آدس بآلالاف الدراجات. لمشاركين فدورة Warriors VIP Course Ecom راه تبارطاجا معاهم الصطور من داخل منصة Google Webmasters بعدد الزوار اليومي يتراوح ما بين 120 زائر يومي. بهاد ل 120 زائر يومي تقريباً يومياً كنخرجو من منصة ووكوميرس ما بين 10 و 20 مبيعة. بمعنى آخر 20 كوموند كتجيك كل نهار مجاناً و مداومة. هادي هي القوة ديال SEO نهار كايبدا فيه البيع مكيحبسش حتا كتحبسو نتا.
مكيباقوش يجيوك شي نماذج بحال Zinoxa, Mahboula, 3achi9 Majnon كيجيك بنادم بعقلو و المناطق لكيشريو من خلال جووجل فالمغرب، رباط سلا زمور زعيير من الدرجة الآولى ثم جهة الدار البيضاء سطات.
المهم كآول خطوة فالسيو المحلي غادي تحتاج هاد الحوايج:
آولا: بعد متجهز الصطور ديالك و دخل فيه المنتوجات ديالك على الصيغة التالية domain.ma/products/wood-glass ضروري تكون السمية ديال البروداكت فالعنوان و الوصف و URL من بعد مكتقاد On-page SEO كتمشي ل Google Webmasters و كدخل Sitemaps و كتفعل خاصية International Targeting كدير فيها الموقع كيهتم فقط بدولة وحدة لهي المغرب.
بس: ضروري يكون الموقع ديالك فيه نطاق محلي لهو .MA كيعاون بزاف فتصدر النتائج بسهولة خصوصاً دوك المنتوجات لمكتلقى حتى شي موقع مغربي طالع فيهم (مشروح فالدورة كيفاش تشري نطاق محلي .MA بثمن رخيص جداً)
ثانياً: تثبيت CDN و بعض الاضافات لتسريع متجرك حبذ لو مدفوعة. المهم من هادشي هو المتجر ديالك خصو يتحمل فآقل من ثانية (خصو يكون آسرع متجر مغربي فالمتاجر لكتنافس فديك الكلمة المفتاحية)
ثالثاً: انشاء حساب للمتجر في آهم المواقع الاجتماعية و متحاول دير ليه حتى شي باكلينك فالآشهر الثلاث الآولى. لحقاش يقدر داك الباك لينك يرجع ليك بالضرر مستقبلاً، لان قووقل جد حساسة فالمناطق لكتكون فيها المنافسة شبه منعدمة لهدا كنقولك خلي الآمور تكون طبيعية فالآول حتى المتجر ديالك يدوز من Sandbox و تولي تيق فيه جووجل و طلعو فنتائج متقدمة.
رابعاً: اضافة عنوان موقعك فى خرائط قوقل ماب (جوجل ماب) و جووجل بزنيس آي كدير وحد النقطة للبزنيس ديالك فالواقع هادي بالنسبة للناس لعندهم لوكال (صطوك، بيرو) آو اكتفي فقط بنقطة وهمية المهم هو تكون السمية ديال الصطور ديالك فجووجل ماب وجووجل بزنيس، استعمال آدوات جووجل فتعريف البزنيس ديالك كيعطي واحد الثقة للمتجر ديالك خيالية من جووجل. كيما كنقولو كتفرش ليه الطريق بالورد!
فالآشهر ديالك الآولى هادشي تقريباً لي غادي تحتاج باش تسلط الآضواء على المتجر ديالك و تخلي جووجل ترد ليه البال و تاخدو بعين الاعتبار. الاخوان متعطيوش 100% ديال التركيز ديالكم للفايسبوك آدس لحقاش نهار يتسالا ليك الصولد ايحبسو ليك الاعلانات. عطيو 70% ديال الخدمة للفايسبوك آدس و 30% للسيو لحقاش السيو هو لغادي يدوم ليك فالآخير. كنعرف ناس هنا فالمغرب كتجيب مبيعات من السيو كثر من Facebook Ads، ديك 100$ لغيبقى يحط فالفايسبوك آدس كل نهار باش يجيب 150 ولا 200 مبيعة كيجيبها فابور من السيو.
هاد المقال خدا ليا ساعات باش نوجدو ليكم، المقال كامل عامر افادة نتما يحل ليكم عينيكم على السيو (هادشي لشرحت فهاد المقال مكيمثل حتى 5% من داكشي لشرحت فالدورة الشاملة لمفتوح فيها التسجيل هاد اليامات
يلا بغيتي تعرف كتر على الدورة: https://bit.ly/EcomWcourse
كنحاول لقى شي وقيتة هاد الآيام باش ندير لايف كاينين بزاف ديال الآسئلة خاصهم يتجاوبو و كاينين ناس دخلو معانا جداد باغيين يبداو، شي دراري بداو معانا شحال هادي نهار بدينا هاد الجروب بداو كيديرو نتائج جد معقولة كاين لوصل كيدير 3000 درهم فالنهار ربح صافي ديالو، و جلست مع العديد منهم و آنا فرحان لحقاش كتشوف ناس بدات كتغير حياتهم بسبابك و هادا هو الهدف من هادشي كامل. نشوفوكم فالقريب ان شاء الله، بالتوفيق لنا و لكم 💞
