Branding

علاش مهم تفتح صطور ديالك فالمغرب قبل سنة 2020 فنيشات مختلفة

Shopify Ecommerce Maroc WooCommerce

ثقافة البحث في محرك البحث جووجل و بينج (Bing) غادية و كاتزيد و بحلول سنة 2020 غادي يكون آكثر من عشر مليون مغربي كيقلبو ف محركات البحث بشكل مستمر مختلف وحوالي خمس و عشرين مليون مستعملي شبكة الآنترنيت، و الناس لي كتشري من الآنترنيت لحد الآن باقي مكاينش معطى واقعي لي كيحدد العدد.

المهم حنا الغرض ديالنا ماشي هو الاحصائيات بقدر ماهو توجد راسك باش تواجه هاد الاحصائيات لي غادية و كتزاد بشكل رهيب. نتا كمقاول فالآنترنيت خاص تكون عندك دراسة و استراتجية مركزة باش تقدر دير بلاصتك فالسوق و تنافس الشركات الكبيرة مثل Jumia الخ.. لي غادي يبدا يموت ليهم لحوت من هاد اللحظة لي كنكتب فيها هاد المقال للقدام. لحقاش جايا واحد المنافسة خانقة في السوق المغربي. علاش منافسة خانقة؟ لحقاش غادي يدخلو دراري كيخدمو الايكوم فبرا (Amazon FBA, Ebay, Dropshiping, warehousing) و غادي يدخلو برؤوس آموال كبيرة و بعض من هاد المقاولين الشباب آصدقاء دياولي و البعض منهم كيتقدرو رؤوس اموالهم ب عشرات ملايين دولارات. (آنا عارفكم عارفين البعض منهم، من الآفضل عدم ذكر الآسماء في التعليقات).

غادي توجد راسك دابا لحقاش يلا دخلو هاد الحيتان غادي يمشي عليك التران! باش غادي نوجد راسي؟ غادي تقاد علامة ديالك و تحاول دير ليها Placement فالسوق و تحاول تكسب آول 100 كليان ديالك (سوى كنتي كتبيع الآكسيسوارات ديال الطوموبيلات، الزرابي، الفرماج، آو القنب الهندي ههه لا غير ضاحكين هادي يلا درتيها غادي يهزوك نتا و العلامة ديالك) المهم الآخوان عارفيني علاش كندوي.

طبعاً غادي تكون بديتي صفحة فايسبوك، واتساب بزنيس، لوكال… داكشي لي ولا كيبان بديهي. نجوو المهم لي هو واش نفتج صطور ف Shopify ولا WooCoomerce ولا منصات آخري (بالمناسبة كاينة بلاطفورم مغربية 100% حسن من هاد جوج عمالقة لي ذكرت دابا) هاد المنصة غادي نذكرها ليكم فمستوى متقدم ان شاء الله.

غادي تبدا ب WooCommerce علاش؟ لحقاش Shopify كيكون فاستضافة مشتركة مع صطورات آخرين ديال شبيفاي، لي كيخلي المتجر ديالك يحمل الصفحة بواحد المشقة لآن كاينين بزاف ديال المتاجر معاك فنفس السيرفر. عكس WooCommerce كيكون فاستضافة ديالك موقرة نصحك ب VPS ولا Dedicated ويمكن ليك دير عدد لا منتهي ديال النيشات و الصطورز بكل احترافية!!

صراحة WooCommerce آحسن منصة خدمت فيها، و باقي! كيطلع ف جووجل و كيجيب ليك Organic الترافيك بسهولة لآن فيه العديد ديال الاضافات لي مصصمة خصيصاً باش تجهز المتجر ديالك لمحركات البحث و طلعو يبان فمراتب متقدمة. حاجة وحدة لي نقدر نقوليكم على شوبيفاي ساهل (و نتوما راكم عارفين آي حاجة ساهلة و accessible كتكون ..)

آهم حاجة من هادشي كامل قول بسم الله و take action آنا الخبرة ديال سنين فمجال Ecom Local لي خسرت عليها مئات الالوف الدولارات راه كنعطيها ليك فسبيل الله آولا و النجاح ديالكم ثانيا، بغيت نشوف ولاد بلادي كلشي مسهل عليه الله و خدام مزيان.