لهو Winning Ads او Winning Ad Sets باش توصل لحملة اعلانية ناجحة فالمغرب ساهل بزاف. خص فقط يكون عندك Product مطلوب و تصبر على الحملة الاعلانية ديالك على الآقل خمس آيام.الحملة لكتشوفو فالصورة يلاه عندها 14 يوم، حملة خاصة ب messenger هاد الحملة ثلاث آيام الآولي كانت كتجيب Cost per Result ديال 1$ تقريباً بقات غادية و كترخاصحتى وصلات ل Cost per Result ديال 0.9$ نقدرو نحسبو Cost per Result هو ثمن المبيعة، و لنفترض هاد الحملة قتلتها فاليوم الثالث فين كانت كتاكل لفلوس غير هكاك و كتجيب مبيعات قلال مقارنة مع الفلوس لكتخسر، آي يعني فالفترة الحاسمة فين بدات كترخاص كنت غادي نقول حملة مستدقاتش و نبقى نتشكى، شنو لخلاني نصبر عليها حتى رخاصت لهاد الدرجة لولات كتجيب تقريباً مبيعات فابور؟ هي الثقة ديالي فالبروداكت لحقاش عارفو مطلوب و غادي يتمشى.
هاد الحملة يلاه عندها 14 يوم فهاد المدة خرجنا منها تقريباً %60 ديال conversions حوالي 600 مبيعة (Casa, El Jadida, Mohammedia) نديرو شوية دالماط نشوفو شحال خرجنا رابحين. هاد البروداكت عندو une marge bénéficiaire ديال 180Dhs – ف 600 مبيعة مفروض الربح خصو يكون حوالي 108000Dhs نقصو منها تقريباً (97$) 1000Dhs ديال الفايسبوك آدس و 4000Dhs مصاريف مابين الطوموبيل و لي ليفرور. يبقى ربح صافي ديال 103000Dhs هادشي كامل كنا غادي نزڭلوه ب 24h ديال اصبر.
خلاصة: خود وقتك قبل متحيد شي وحدة اعلانية يلا كنتي متآكد بلي البروداكت خدام. Winning Ads كيقدرو يبقاو حتى لسنة آو جوج كيجيبو ليك المبيعات بشكل شبه مجاني (شخصياً عندي Winning Ad خدام بيه من سبتمبر 2017 ومزال خدام كيجيب فالمبيعات).
بس: غبرت هاد الليامات نضراً لضيق الوقت و لدعم الاخوة ديال الدورة. قريباً لايف ان شاء الله فيه آخر مستجدات المجال و طرق جديدة لتطوير التجارة الالكترونية المحلية.
