Ecom Local

التوصيل Delivery آو Livraison العامل الحاسم الي غادي يحدد نجاحك او فشلك فمجال التجارة الالكترونية

التجارة الالكترونية انواع و النوع التقليدي و المآلوف لهو الدفع عبر بطاقة الائتمان ليولا كيفقد المصداقية ديالو فبعض الدول كايطاليا، تركيا، و دول اسيا و الخليج و المغرب داخل مع هاد الدول لفقدو الثقة فالدفع بواسطة بطاقة الائتمان و الضومين مبقاش Reliable، وهاد العجز سبابو بزاف ديال العوامل ندكروهوم من بعد باش منطولوش.. لهادا جا مجال الدفع عند الاستلام Cash on Delivery باش يعوض التجارة الالكترونية التقليدية لفقدو فيها الناس الثقة فبعض الدول. بما آن مجال الدفع عند الاستلام Cash on Delivery او احيانا Pay on Delivery هو مجال جديد ويلاه بدا كيكتاسح بعض الدول بكل بساطة لآنه فيه ضمانات آكثر و سلاسة في الاستلام حيث اغلب الطلبيات كتعالج فغضون 24 ساعة عكس الصنف التقليدي لتقدر الطلبية توصلك على شهر. يعني دير Commande فالخريف تقدر توصلك فالصيف.

مجال Cash on Delivery عندو تحدي رئيسي و حاسم لهو Delivery و كيفما شفتو حتا المجال مسمي عليه، هنا باش كيبان لينا بآنه اهم عامل. و هو سباب Les retours, les indisponibilités.. و نقدر نقوليكم هو سباب الخسارة لآكثر من 70% ديال الناس لبداو فالمجال كيتبعو Facebook Ads فالمقام الثاني. لآنك كدير مع الزبون فوقت و كتوصلو فوقت، و لا كتصيفطها ليه فآمانة و بما آمانة جزء من آكبر بنك فالمغرب لهو البريد. و آغلب الوكالات كتكون فيها آمانة فوسط البنك و هدا كيسبب واحد الزحمة لا توصف لكتقدر تآدي بالزبون ساعات طويلة باش توصلو النوبة يشد الطلبية ديالو طبعا ماشي الجميع يقدر يتسنى وقت طويل لآن كاينة ضروف .. و هدا كينتج عنو نسبة روتور مرتفعة، لهدا فهاد المقال غادي نحاول نعطيك بعض الحلول المدفوعة لكتناقش فقط فسلسلة Mastermind Group Local Ecommerce لكنضموه كل شهر تقريباً.
المهم بما آن الآغلبية معارفينش التوصيل الملائم ليهم و لكيناسب ل Capacity ديالهم، و من الضروري خصك تعرف القدرة ديالك باش هكا تغلب على Delivery ديالك و يكون عندك Delivery Adequate Control على البزنيس ديالهم و يتحكمو فنسبة الروتور و يهبطوها لآقصى حد ممكن المهم نبداو من الساهل للصعيب و لضروري غادي دوزو منو فمجال التجارة الالكترونية فالمغرب

• اولاً: Self-Reliance Delivery لهي من المفروض ديرها فالجهة لنتا ساكن فيها فآول محاولة عندك فالضومين، مثلاً نتا فمدينة تطوان غادي تخدم فقط على الجهة ديالك (المضيق- فنيدق، طنجة، اصيلة ..) هاد المثال فحد داتو سوق كبير تقدر تليفري سواء بدراجة نارية ولا سيارة اهم حاجة هو يكون التوصيل ديالك خاص، و يكون مكيشكلش ليك تحدي كبير، تقدر تجمع الطلبيات فالصباح شحال مكانو 10 ولا 20 و العشية تليفريهم. و حسب تجربتي 20 مبيعة هي Stamina ديال شخص عادي فاليوم. 
بس: تقدر طيح فبض الطلبيات خارج الجهة ديالك واخا نتا كتارجيتي Target غير هي بوحدها. دوك ناس كيكونو استاضفو الصفحة ديالك ولا السطور و عجبهم المنتوج و دارو الطلبية. Pro Tip: حاول مضيعهمش مافيها باس يلا مرة مرة ضربتي ضورة عند اجونس ديال آمانة.

• ثانيا : شركات 3rd Party كاSEM و فورليفريزو, Glog, carre الخ.. دابا ولاو المئات فالسوق بفضل الثورة لواقعة حالياً ديال التجارة الالكترونية فالمغرب. هادشي فصالحنا، الآثمنة تكون تنافسية و حتا التوصيل تكون فيه سرعة كلشي كيتقاتل باش يوصل قبل من شي، فهاد المرحلة غادي تكون فتي مرحلة 20 مبيعة فالنهار. هنا كيخصك تفكر تخدم احترافي (كونطرا مع الشركة، راماساج من عندك فالوكال ديالك، تفرض عليهم تعديلات يديروها ليك خصيصاً، دعم مخصص للبزنيس ديالك الخ..) منين غادي توصل لهاد المرحلة غادي تحس براسك عندك بزنيس حقيقي و عندو الساس و حتا فالربح غادي تلاحض قفزة نوعية فالمدخول اليومي. المفروض هنا يكون معدل المبيعات اليومية ديالك هو 50 مبيعة فاليوم و نسبة الروتور متفوتش 18% كحد آقصى
بس: فهاد المرحلة حاول تبعد من آمانة بشكل نهائي و متقربش ليها يلا بغيتي متهرسش و تعاود من جديد

• ثالثاً: هو سطاج الوحش و لكتسمى فمجال C.O.D باسم Costumised Delivery و هنا فين كنتقاتلو حنا و آي واحد واصل فمجال التجارة الالكترونية في المغرب هو يوصل لمستوى يكون عندو التوصيل ديال الشركة ديالو فالمدن المغربية الكبرى. يكونو des points مفرقين كل لوكال فيه صطوك فين كيجيو لي ليفرور يهزو المنتوجات لخصهم يوصلو و فين كيرجع الروتور. و هاد المستوى هو لغادي يخول ليك دير ارقام بحال رقم الهاتف ديالك. لان البيع كيولي محدود تقدر تجيب 1000 مبيعة فاليوم بكل سهولة لآن العملية ولات سهلة و ضبطتي قوانين اللعبة جيداً.

نتمنى يكون هاد المقال حول التوصيل او شركات التوصيل فالمغرب او ما يعرف ب Service Livraison Ecommerce او Livraison au Maroc حطك فالموضع الصحيح لنتا فيه دابا و عرفك بالمستوى لنتا فيه حاليا و لممكن توصل ليه اذا تبعتي Delivery Process الصحيحة.