Branding

التجارة الالكترونية في المغرب في سنة 2019

التجارة الالكترونية في المغرب آكثر ربحية في سنة 2019 آكثر من آي سنة مضت و القادم آروع! 🔥

الحمد لله من بعد آعوام و حنا كنتساناو ثقافة الشراء من الآنترنيت عند المغاربة باش تولي منتشرة، و المواطن المغربي يفهم كيفاش يدير طلب منتوج ويعرف كفاش يهضر عبر الهاتف و العملية تاخد بضع ثواني فقط و يعرف كيفاش يتبع المنتوج ديالو عبر موقع آمانة )بالنسبة للناس لعندهم خدمة التوصيل ديالهم خاصة كديرو السويفي عبر المكالمات و لا خدمة SMS آو Instant Tracking

منين يشوف المنتوج وصل كيمشي لآمانة يجيبو و لا يتلاقا مع ليفرور ويخلص بسلاسة بلا متحتاج نتا تصدعو كل مرة فالهاتف و توريه فين يمشي و لا شنو يدير. هادشي فالآعوام السابقة كان كيبان لينا بحال Holy Grail كنا كنقولو يلا توفرات هاد الشروط السوق المغربي هاد الآرقام لكنديرو دابا نقدرو نوصلوهم ل x8 بسهولة. لآن تقريباً 95% ديال الناس كانت كتشري آول مرة من الآنترنيت آول تجرية، و كان شوية ديال التخوف (كذوب، نصابة، هادشي ماشي فالمغرب ..) مع الوقت ولينا كنلاحضو بآن Returning Buyers مكنلقاوش معاهم المشكل لحقاش فهمو المعملية و البيع ليهم اصبح سهل و سلس عكس First Time Buyers كيكون فيهم التسخسيخ و قوة التسوال و التخوف (ختي فين غادي تجيني، كيندير نخلصكم، شحال ديال الوقت باش توصل …)

صراحة العذاب عاد باش كدوز الطلبية، كنخرجو الطلبية و كنقراو معاها الفاتحة، ياربي غتوصل و ياخدها. ولكن الحمد لله كانت نسبة الروتور قليلة لحقاش كان واحد المجهود كبير من الناس لكيتصلو فالاقناع و تتبع الطلبيات هادشي ثلاث سنوات مضت عليه. حالياً الحمد لله كاين فرق كبير فالعقلية ديال الشاري. آغلبية شرا و عاود و شرا و عاود .. كثر من 70% دازو من مرحلة
First Product Buying Experience

بمفهوم آخر، الناس لي يلاه بداو و لا ناوين يبداو مجال التجارة الالكترونية فالمغرب غادي تكون عندهم القضية ساهلة منين المسآلة كتعلق ب Online Shoppers و هما خمس آنواع كالتالي:

منين كتخدم بالفايسبوك و انستجرام ادس كتلقا هادو:

• Looking for the best price
• Looking for the best product
• Looking for the latest/newest
• Looking to buy now
• Looking for an experience

منين كتخدم ب Google Ads و Email Marketing كتلقا هادو:

• Dedicated frequently buyers
• Looking to purchase quality
• Time sensitive
• Not easy to lose
• Costy new buyers
• Guaranteed returning buyers

وهنا كندخلو ف Quality vs Quantity و كندخلو فالمنتوجات دات التكلفة المتوسطة Mid-tickets Items و العالية High-tickets Items و مفهوم Profit Funnel Breakthroughs، يلاه كنت بديت فالمناقشة ديالو فالايف الآخير من بعد ما نقشت C.O.D Cash On Delivery Product Research و لكن للآسف خرج الحساب ديالي بوحدو و تقطع الايف و خديت بلوك من الفايسبوك لمدة ثلاث آيام. لآن كانت تبليغات متتالية على حسابي فالفايسبوك.

Pro Tip: الا جاتك فرصة تخدم على بروداكت غالي واخا يكون الثمن ديالو 10000 درهم، توكل على الله فخمس مبيعات الآولى غادي تلاحض فرق كبير فالربح و تقدر متعاودش تفكر تخدم فمنتوجات ذات التكلفة المنخفضة.

Reminder : يلا بغيتي دير آول 10K من Low-Tickets Products لغالباً كيكون الثمن ديالهم فالمغرب 20$ ومعدل الهامش الربحي كيكون 10$ ايخصك ا معلم تبيع 1000 نسخة، ويلا بغيتي دير 10K ب High-Tickets Products غالباً الثمن ديالو كيكون 1000$ ومعدل الهامش الربحي كيكون 400$ ايخصك فقط تبيع 25 نسخة، خود وقتك الكافي و فكر فيها!

نشوفكم فسلسلة من اللايفات قريباً فيهم غادي ناقشو منين تقدرو تجيبو السلعة و بعض الآفكار على هاد النوع ديال المنتجات لذكرت ليكم يقدرو يوصلو ل 1000$ و يقدرو يخليو ليك 400$ فمبيعة وحدة هادشي فالمغرب ماشي فميريكان! و المفاجئة غادي نبارطاجي صطور ونيش ديالي خاص ب High-Tickets Products على المباشر.